Ginpahayag sang Malacañang nga makabig nga isa ka “malicious claim” ang alegasyon nga ang mando ni President Ferdinand Marcos Jr. nga hukson ang bise-presidente nagikan sa National Security Council (NSC) ang isa ka prelude sa martial law.
Ginhukas ni Marcos ang si Vice President Sara Duterte kag mga anay presidente sa NSC agud masiguro nga maka-adapt ang body sa naga-evolve nga mga pagpanghangkat.
Apang suno sa tagpamaba ni former President Rodrigo Duterte nga si Harry Roque, daw kaangay lang sang tiyempo sang amay ni Marcos sang siya ang nagdeklarar sang martial law bangud wala sa NSC si VP Sara, former President Duterte kag former Presidents Gloria Macapagal Arroyo kag Joseph Estrada.
Suno kay Executive Secretary Lucas Bersamin, kun ini ang masami nga ginapanumdum, ini ang makabig nga malisyoso.
Suno diri, tuman ka athag sa Konstitusyon kun san-o lamang sarang nga makadeklarar sang martial law ang Presidente.
Nagapati ini nga wala sa karun sa panghuna-huna sang Presidente ang pagdeklarar sang martial law kag makabig gid nga malisyoso si Roque.
