388 ka police officers nagikan sa Bacolod City Police Office ang ginpadala sa probinsya sang Iloilo bilang augmentation force sa adlaw sang eleksyon sa Lunes.
Suno kay Police Lt. Col. Lester Leada, chief sang Operations Management Unit sang BCPO, kahapon ang send-off sang mga pulis nga ginrequest sang Police Regional Office 6 bilang augmentation sa Iloilo Police Provincial Office.
Suno kay Leada, ang IPPO na ang bahala kun sa diin nila idistribute ang mga pulis nagikan sa BCPO.
Suno sa pahayag sang PRO 6, kulang sang masobra 1,000 ang mga pulis sa Iloilo Province para sa election duties gani ginmanduan ang BCPO nga maghatag sang augmentation.
Ang pagbalik sang mga pulis sa BCPO ang magadepende naman sa guidance sang regional headquarters kun makit-an nga tapos na ang eleksyon sa masunod nga semana kag sarang na sila nga makabiya sa lugar kun sa diin sila gindeploy.
Nagpanugyan naman si Leada sa mga pulis nga nabilin sa BCPO nga himuon ang ila masarangan santo sa ila mandato agud masiguro nga matawhay kag malinong ang eleksyon sa Bacolod nga yara sa karon sa Category Yellow bangud sa intense political rivalry.
