Nagaplano ang transport group nga Manibela nga magpatigayon sang tatlo ka adlaw nga transport strike sa masunod nga semana humalin Agosto 14 tubtob 16.
Suno kay Manibela national chairman Mar Valbuena, ang grupo ang nagkuha sang isa ka permit nagikan sa Manila city government.
Ini matapos gin-anunsyar ni President Ferdinand Marcos Jr. nga madayon ang Public Transport Modernization Program (PTMP) apisar sang isa ka Senate resolution nga nagapanawagan sang suspension sini.
Suno kay Valbuena, nagapati ini nga si Marcos ang ginasulsulan sang sala nga mga impormasyon nagikan sa mga ahensya nga yara sa likod sang implementasyon sang modernization program.
Apang suno kay Department of Transportation Undersecretary Andy Ortega, consistent lamang si Marcos sa modernization program ilabi na nga makapila ka beses na nga mapostpone ang deadline sini.
