Preparado na ang University of Negros Occidental-Recoletos (UNO-R) sa pag-abot ni President Ferdinand ‘Bongbong’ Marcos Jr. kag First Lady Liza Araneta Marcos subong nga adlaw, June 27.
Suno kay UNO-R External Affairs director Carlos Legaspi, padayon ang summer class sa buluthuan apang ini ang patigayonon via online class.
Suno diri, suspended man ang trabaho sa opisina sa UNO-R para sa security sang presidente kag sang first lady.
Preparado na ang grounds sang UNO-R sa bulig man sang Bacolod City government.
Wala naman sang nahatag nga exact nga oras sa pag-abot sang presidente kag first lady sa pagpatigayon sang Presidential Assistance for Farmers, Fisherfolks and Families (PAFFF).
May yara sang ipanagtag nga P10,000 cash assistance sa 8,315 ka mga mangunguma kag mananagat nga tuman nga naapektuhan sang halit sang El Niño.
Lauman man ang presensya nanday Secretary of Agriculture of Philippines, Francisco Tiu Laurel Jr.; Secretary of the Presidential Communications Office of the Philippines, Cheloy Garafil; kag Special Assistant to the President of the Philippines, Antonio Lagdameo Jr.
Pila lamang ka mga beneficiaries ang magabaton sang ayuda, bangod nga ihatag na lamang sa gobernador kag mga alkalde sang tagsa ka mga local government units ang ayuda kag sila na ang mapalab-ot sa mga benepisyaryo.
Sila ang pagahatagan sang 30 ka adlaw para maliquidate ang assistance kag mapasa ang report sa Office of the President.
Magluwas sa Presidential Assistance for Farmers, Fisherfolks and Families sang Presidente, magapatigayon naman sang ‘Lab for All’ Caravan ang First Lady.
Ang proyekto ang magahatag sang libre nga laboratory services sa ginabanta 1,500 nga benepisyaryo.
