Nagpatigayon sang maragtason nga summit ang Association of Southeast Asian Nations (ASEAN) kag Russia sa Kazan agud mapabaskog pa gid ang ASEAN–Russia relations.
Santo sa mga report, ang pagsinapol ang kabahin sang pagdumdom sang ika-35 nga anibersaryo sang Russia-ASEAN relations, kag ginkasugtan paagi sa ila opisyal nga diplomatic mechanisms.
Ang summit ang ginpangunahan nanday Russian President Vladimir Putin kag Philippine President Ferdinand Marcos Jr., sa diin gintalakay ang pagpasangkad sang negosyo, enerhiya, seguridad, kag iban pa nga praktikal nga kooperasyon.
Ang katuyuan sang ini nga pagsinapol amo ang pagpabakod sang “strategic partnership” sang duha ka panig sa tunga sang mga global challenges kaangay sang politika kag ekonomiya.
Nagpanawagan si President Ferdinand “Bongbong” Marcos Jr. sa mga ASEAN-member countries kag sa Russia nga pabaskugon ang kooperasyon sa maritime security, counterterrorism, kag cybersecurity agud masabat ang nagadamo nga geopolitical challenges sa rehiyon.
Sa pagdumdom sang ika-35 nga anibersaryo sang ASEAN-Russia relations, ginhatagan importansya ni Marcos ang tatlo ka mga prayoridad: kalinong kag seguridad, mas mabakod nga relasyon sa ekonomiya, kag human capital investment.
Gin-engganyo man sang Presidente ang pagpasangkad sang negosyo, investment, kag kooperasyon sa food kag energy security, samtang ginaduso man ang mga scholarship, student exchange programs, turismo, kag mga proyekto nga pangkultura agud tuman pa nga mapahugot ang relasyon sang ASEAN kag Russia.
