Ginkumpirmar sang Malacañang ang natalana nga pagbyahe ni President Ferdinand “Bongbong” Marcos Jr. sa Russia para sa isa ka official Working Visit sa paalabuton nga Hunyo 17 tubtob Hunyo 19, 2026.
Ginalauman nga makighinun-anon si President Marcos kay Russian President Vladimir Putin sa ASEAN-Russia Summit nga pagahiwaton sa Kazan, Russia.
Suno kay Russian Foreign Minister Sergey Lavrov, ginapaabot nila nga magtambong si President Marcos sa nasambit nga summit.
Suno kay Lavrov, ang summit ang makahatag sang kahigayunan nga mas mapadalom pa gid ang 35-years nga relasyon sang Russia kag ASEAN.
Gindayaw man sini ang neutral nga posisyon sang Pilipinas sa topiko natuhoy sa gyera sa Ukraine.
Ginpahayag man ni Lavrov ang pagpamatok sang Russia sa militarisasyon sa Asia-Pacific.
