Masobra 20 ka mga persona ang pilason matapos nga nasunog ang isa ka Ferris wheel sa isa ka music festival malapit sa Leipzig, Germany.
Ang sunog ang nagluntad alas 9:00 sang gab-i sa duha sa gondolas sa Highfield Festival kag gilayon man nga gindeklarar nga under control.
Apat ka mga persona ang nasunog, isa ang napilas matapos nahulog kag 18 naman ang nakahaklo sang aso.
Napilasan man ang mga miyembro sang kapulisan kag mga bombero samtang nagaresponde sa insidente.
Gilayon man nga nagresponde ang mga helicopters kag tanan nga mga pilason ang gindala sa malapit nga ospital.
Ang Highfield Festival, nga kilala bilang pinakadako nga independent rock festival, ang nag-attract sang linibo nga mga bisita kada summer sa baybayon sang Lake Stormthaler sagwa sang Leipzig.
