Masobra 200-K nga suspected shabu narekober sa buybust sa Brgy. Banago

BACOLOD CITY-Masobra 200 mil pesos nga balor sang suspected shabu ang narekober sang Police Station 3 sa buybust operation sa Purok Langis, Brgy. Banago, alas-2:15 kaina sang kaagahon.

Arestado sa operasyon sang Station Drug Enforcement Unit sang Station 3 ang suspetsado nga si Jason Espaltero alyas Alvin, 31-anyos sang Purok Sigay, Brgy. 2, Bacolod.

Nakuha sa paghinakop ni Espartero ang isa ka elongated plastic sachet sang suspected shabu bilang buybust item kabaylo sang P500 nga buybsut money.

Dugang nga nakuha sa paghinakop sini ang isa pa ka elongated kag tatlo ka big sachets sang suspected shabu kag isa ka coin purse.

Ginabanta nga nagabalor sang P212,500 ang suspected shabu nga narekober kay Espartero.