Nagpatigayon sang rally kahapon ang masobra 300 ka mga tawo nga ginalakipan sang mga jeepney operators kag drivers sa pagdumdum sang natabo nga pagpangbomba sang tubig sa mga lideres sang transport group sang Setyembre 18, 2024.
Sa interview sang Bombo Radyo Bacolod kay Lilian Sembrano, presidente sang Kabacod Negros Transport Organization (KNETCO), ang natabo sang Setyembre 18, 2024 nga pagpangbomba sang tubig sa ila sang kapulisan sang nagpatigayon sila sang rally sa atubang sang L’Fisher Hotel, nagtuga sang trauma sa ila mga kaupdanan.
Ila ginasinggitan nga tubtob sa karun wala pa gid nahatagan sang hustisya ang ginhimo sa ila.
Suno pa diri, may yara na sila sang nafile nga kaso sa Office of the Ombudsman kag nagapadayon ang hearing.
Positibo ang ila paglantaw sa mangin resulta sang kaso bangod nagalain-lain ang testimoniya sang mga kapulisan.
Kahapon sa rally, nagtingob ang Bacolod Alliance for Commuters, Operators and Drivers Incorporated (BACOD), Kabakod Negros Transport Coalition Incorporated (KNETCO), kag United Negros Drivers and Operators Center (UNDOC).
