Nagdangat sa masobra 66,000 ang mga elementary students nga nakabatun sang libre nga school supplies sa Bacolod City.
Sa pahayag ni Councilor Al Victor Espino, chairperson sang Committee on Education sang Sangguniang Panlungsod, ang pagpanagtag nga ginsuguran sang Lunes, Agosto 5 ang natapos sang Biyernes, Agosto 9.
Sila ang nakahatag sa 46 ka mga Public Elementary Schools kalakip na sa mga Special Education (SPED) students.
Ang wala lamang nahatagan amo ang SPED students sa Handumanan Elementary Schools apang ang mga ini ang ginhatagan naman mismo ni Espino sang school supplies.
Pasalig naman ni Espino nga may buffer stocks ang ciudad gani mahatagan gid ang wala pa mahatagan kalakip na ang mga late enrollees.
P428 naman ang budget para sa kada estudyante gikan sa P30 million nga pondo.
Paathag ni Espino nga may sobra sa procurement bangod mas manubo ang numero sang enrollees subong nga tuig sangsa enrollees nakaligad nga School Year nga amo ang ila nga ginbasihan.
