Gin-aprubahan na sang Sangguniang Panlalawigan kahapon ang P5.1 billion nga budget sang Negros Occidental sa tuig 2023.
Sa deliberasyon sang SP kahapon, ginduso ni Board Member Rommel Debulgado, chairman sang Committee on Finance and Appropriations ang pagpasar sang budget sa third and final reading.
Ang P5.1 billion ang ginalakipan sang General Fund kag Economic Enterprise Development Department Income.
Ang General Fund ang may budget nga masobra P4.9 billon samtang ang EEDD ang masobra P190 million.
Sa P4.9 billion nga General Fund, P1.8 billion ang magakadto sa personal services; P1.2 billion sa Maintenance and Other Operating Expenses (MOOE); kag P1.9 billion sa special purpose appropriation.
Ang MOOE para sa masunod nga tuig ang nagunbo sang 35 porsyento kun ikumparar subong nga 2022 samtang ang national tax allotment ang nagnubo sang 14 porsyento.
Nagpasalig naman si Vice Governor Jeffrey Ferrer, nga amu man ang presiding officer sa Sangguniang Panlalawigan nga nag-agi sa insakto nga proseso ang pagpasar sang budget.
Suno kay Ferrer, duha ka semana na ang nakaligad, nagpatigayon sila sang budget deliberation sa kada departamento kag wala man sang dako nga problema bangud nangin transparent ang tanan nga department heads.
Suno diri, pagplastar sang P5.1 billion nga budget sang probinsya para sa 2023, wala na sang revision kag sa far, kaayo man sang proseso.
Suno sa iya, apisar nga nagabalhin na sa normal ang sitwasyon nagikan sa COVID-19 pandemic, nagapadayon sa gihapon sa pagschedule sang deliberasyon ang SP bangud obligasyon sang mga board members ang legislation kag approval sang budget para sa 2023.
