Lauman ang maulanon nga pagsaulog sang Undas subong nga Nobyembre partikular na sa dako nga bahin sang Luzon suno sa Philippine Atmospheric, Geophysical and Astronomical Services Administration (PAGASA).
Suno kay PAGASA Weather Specialist Leanne Marie Loreto, makabatyag sang kasarangan tubtob sa makusog nga pag-ulan ang bahin sang Palawan bangud sa pagform sang posible low pressure area sa West Philippine Sea.
Lauman man ang kasarangan tubtob makusog nga pag-ulan sa norte nga bahin sang Luzon partikular na sa Batanes bangud sa Amihan sa pungsod.
Ini man ang mabatyagan sang pila ka mga probinsya partikular na ang Cagayan, Isabela kag Aurora bangud sa shear line.
Samtang, ginalauman naman nga ang Intertropical Convergence Zone (ITCZ), LPA kag shear line ang mga nagapanguna nga rason kun ngaa magaulan sa dalalagko nga bahin sang pungsod nga posible nga ma-eksperyensyahan tubtob sa masunod nga tatlo ka adlaw.
