Ginplastar na ang maximum Police presence kag Police visibility sa mga places of convergence ukon ginadugukan sang tawo sa banwa sang Calatrava kaangay sang mga resorts.
Sa interview sang Bombo Radyo Bacolod kay Police Major Ronald Santillan, hepe sa Calatrava Municipal Police Station, hugot ang ila nga pagbantay sa mga lugar nga ginapadulungan sang madamo nga mga tawo kaangay sa mga tourist destinations kag mga simbahan, partikular na ang mga nahamtang sa higad sang highway.
Sila ang nagplastar man sang police assistance desk sa nagkalainlain nga lugar kaangay sa mga resorts, ilabi na nga ginalauman na nga madamo sang magapaligo.
Pasalig ni Santillan nga sila ang nakafocus sa pagbantay sa mga baybayon, resorts, simbahan kag mga terminal, agud maseguro ang kalinong kag kahilwayan sa selebrasyon sang Semana Santa sa banwa sang Calatrava.
