Ginpasalig sang alkalde sa Bacolod City nga seguruhon nila nga maayo ang kondisyon sang mga bugas nga ibaligya sa balor nga P20 kada kilo.
Sa pahayag ni Bacolod City Mayor Alfredo “Albee” Benitez, ginatapos na nila ang program of works kag documentary requirements sa pagrequest sang banning exemption sa Commission on Elections.
Yara naman ang pondo gani inkaso nga mahatagan na sang go signal, sila ang gilayon na nga magabakal sa National Food Authority.
Sa karun yara pa sa 5,880 bags sang bugas ang yara sa warehouse sang NFA-Bacolod.
Nagpasalig ni Benitez, nga ipatsekyar sini ang kalidad sang bugas nga baklon sa NFA kag kun ini ang indi maayo, iya nga igabalik.
Magakoordinar man ini sa Department of Agriculture angot sa mechanics sang distribusyon.
Sa karun, plano nila nga ibaligya ang P20 kada kilo nga bugas sa gwa sang Bacolod City Government Center (BCGC) kag selected nga mga named Barangays.
Paathag sini nga ang bugas gikan sa NFA ang mabakal sa balor P33 kada kilo.
Kun sa diin ang ciudad ang bagatabon sang P6.50 samtang tabunan naman sang National Government ang nabilin, agud mabaligya sa balor P20 ang bugas.
Paathag sang alkalde nga 10 ka kilo lamang kada pamilya ang mahimo mabakal sa kada semana kag prayoridad ang indigents, bangod ini ang experimental program pa lamang.
