Bentaha sa Negros Occidental kun si Bacolod City Lone District Congressman-elect Alfredo “Albee” Benitez ang mangin masunod nga House Speaker sa Kamara.
Sa interview sang Bombo Radyo Bacolod kay Cadiz City Mayor Salvador “Bading” Escalante, ang Secetary General sang UNEGA, dako nga bentaha sa Negros Occidental kun diri magikan ang Speaker of the House.
Aminado ini nga kun malapit sa luwag, mas dako ang mabatun nga graasya.
Indi naman bag-o si Benitez sa Kongreso bangod siya ang anay 3rd District Representative man sang Negros Occidental.
Samtang ini ang malapit man sa pamilya Marcos partikular na kay President Ferdinand “Bongbong” Marcos Jr.
Suno sa alkalde, mas mahapos magpalapit kun may mga kinahanglan ang probinsya kun taga diri lamang ang House Speaker.
