Ginkumpirmar sang pinuno sang Committee on Laws, Ordinances & Good Government sa Bacolod City nga naaprubahan na sa session kahapon sang Sangguniang Panlungsod ang hingyo ni Mayor Evelio “Bing” Leonardia nga hatagan ini sang authority to sign para sa memorandum of agreement sang ciudad kag Oxford-AstraZenica.
Sa interview sang Bombo Radyo kay Councilor kag Atty. Dindo Ramos, ginpahayag sini nga magluwas diri, ila man gin-aprubahan ang confidentiality agreement nga hangyo sang AstraZenica nga suno sa iya, normal kag natural lang sa kontrata.
Suno diri, bangud nga may contact sa kumpaniya, secured na ang ciudad kun mangin available na ang bakuna kag iya ginalauman nga ini ang sa masunod na nga bulan.
May yara man suno kay Ramos sang initial funding apang kun indi ini supisyente, sarang nga makarealign sang budget agud makaprocure sang bakuna.
Suno sa konsehal, ila suportahan ang tikang sang alkald ebangud wala man sang choice ang tanan bangud kinahanglanon ini sang publiko.
