Magahinun-anon pa ang alkalde sa ciudad sang Bacolod sa Department of Social Welfare and Development (DSWD) agud maseguro kun tanan nga mga partially kag totally damaged ang balay bangod sa Bagyo TINO ang mahatagan sang financial assistance.
Suno kay Bacolod City Mayor Greg Gasataya, nakabatun ini sang kumpirmasyon nakaligad nga Biyernes nga igarelease na ang ayuda.
Nahibaluan nga P5,000 ang mabatun sang mga partially damaged samtang P10,000 ang totally damaged ang balay.
Suno kay Mayor Greg, magahinun-anon ini sa DSWD agud maklaruhan kun tanan sa mga nalista sang Department of Social Welfare and Development ang mahatagan.
Ini bangod may nakalab-ot man sa iya nga impormasyon nga indi tanan sa listahan ang mahatagan.
Suno sa alkalde, nagdangat sa masobra 40,000 ang nalista sang DSSD nga partially damaged ang balay, samtang masobra kwatro mil naman ang totally damaged.
Apisar nga may natalana nga P100 million nga pondo, ini ang kulangon suno sa alkalde.
Nagapati ini nga madamo gid sang magareklamo kun ang iban ang mahatagan kag may-ara sang mga yaa sa listahan apang indi makabatun.
Suno diri, kun indi gid man masalama ang tanan nagpasalig ang DSWD, nga ang mabilin ang mahatagan early next year.
Nahibluan nga may mga social workers man nga nagverify sa sitwasyon sang mga nagpalista nga nagub-an sang balay bangod sa Bagyo TINO.
