Ginpahayag sang pinuno sang medical team ni Pope Francis nga naglab-ot ini sa kondisyon nga tagumatayon sa iya pagpakigbato sa double pneumonia sa ospital rason kun ngaa ginkonsiderar sang iya mga doktor ang pagtapos sang iya treatment agud makapahuwya sang malinong ang 88-anyos nga pontiff.
Suno kay Sergio Alfieri, isa ka physician sa Gemelli Hospital sa Rome, matapos ang isa ka breathing crisis sang Pebrero 28 nga ginalakipan sang malapit na lamang nga pagkakuga sini samtang nagasuka, dako ang risgo nga indi na makasalbar si Pope Francis.
Suno kay Alfieri, kinahanglan nila nga magpili kun sila ang magauntat ukon padayunon ang tanan nga pagbulong kag mga therapy sini.
Si Francis, nga nangin Santo Papa sang 2013, ang ginbulong sa Gemelli Hospital sa sulod sang 38 ka adlaw.
