Menor de edad pilason sang naglupok ang palupok nga sulod sa lata sa La Carlota City, Negros Occidental

Nag-agom sang pilas sa ulo ang 13 anyos nga lalaki matapos ginsulod sini ang palupok sa lata kag gin-uyatan tubtob nga naglupok sa La Carlota City.

Sa interview sang Bombo Radyo kay PCapt Dan Carlo Salazar, Deputy Chief of Police sang La Carlota City Police Station, ang palupok nga may street name nga “grenade” ginsulod sang bata sa lata kag gin-uyatan sini tubtob nga naglupok.

Suno diri, nagtabog ang debris sang lata kag naigo ang ulo sang bata.

Suno kay Salazar, estable na ang kondisyon sang bata kag gin-edukar naman sini ang ginikanan nga sawayon ang mga bata kag bantayan gid permi.