-- ADVERTISEMENT --
100 porsyento na nga nasolbar sang Commission on Election ang problema sa internet connection sa Negros Island Region para sa palaabuton nga eleksyon sa Mayo 12.
Suno kay Comelec Chairman George Erwin Garcia, ang mga areas nga wala signal ukon mahina ang signal sang internet ang gintakdan na nila sang Starlink samtang iban nga mobile network naman sa mga area nga may bastante na nga internet access.
Importante ang internet connections agud gilayon nga matransmit ang data gikan sa mga Automated Counting Machine (ACMs) matapos ang botohay.
Nahibaluan nga sadto may mga far flung areas nga kinahanglan pa magpanaog sa area nga magsignal agud makatransmit sang data, apang sa karun ini ang ginhimuan na sang solusyon.
