Dululungan nga nagparade bitbit ang sako ang pila ka pumuluyo gikan sa nagkalainlain nga bahin sa ciudad sang Bacolod agud mag-upod sa “Walk for the Environment”.
Ini may kaangtanan sa pagsaulog sang Earth Day nga may tema “Planet vs Plastics.”
Ang Walk for the Environment para sa Earth Day 2024 ang dulungan nga nag-umpisa alas-6:00 sa aga gikan sa Lacson Street sa Barangay Mandalagan, Barangay Alijis, SM City Bacolod kag Negros Occidental Police Provincial Office (NOCPPO) Headquarters samtang ang parade ang nagtabu-ay sa Bacolod City Government Center (BCGC).
Samtang nagaparade, ang mga pumuluyo, upod ang mga government officials, katapos sang Bureau of Fire Protection, mga kapulisan kag iban pa, ang nagapamudyot sang mga basura nga malabayan sa dalan.
May nakastandby man nga ambulance bilang preparasyon sa emerhensya.
Alas-7:30 sang aga, ginpatigayon ang flag raising ceremony sa BCGC kasubong man ang Declaration of Commitment.
Kasunod sini, nagpatigayon sang simultaneous Urban Clean-Up drive sa 61 ka mga Barangay sa ciudad sang Bacolod.
