Madamo nga mga commercial ships ang nagdungka sa pantalan sang Iran bilang paghalong batok sa posible nga air strike kag tensyon sa tunga sang Iran kag Estados Unidos.
Suno sa mga sources, importante nga magpabilin sila sa mga boarder sang pantalan bangud mas mataas ang risgo sang collateral damage sa tion nga may air strike sa malapit nga imprastraktura.
Sang Miyerkules, ang isa ka opisyal sang Estados Unidos nagpahayag nga ang Estados Unidos nag-withdraw sang pila ka mga tinawo gikan sa ila mga base sa Middle East, pagkatapos nga ang isa ka mataas nga opisyal sang Iran ang nagpaandam nga ang Tehran magatarget sa US military base kun atakihon sang Washington ang Iran.
Nahibaluan nga nagadepende ang Iran sa seaborne trade para sa pag-import sang mga produkto gamit ang mga dry bulker, general cargo kag mga container ships, subong man ang mga oil tanker para sa pag-eksport sang langis.
Suno sa maritime intelligence, ang kadamuon sang mga tanker sa exclusive economic zone sang Iran ang nagsaka halin sa isa tubtob 36 halin Enero 6 tubtob 12, samtang madamo nga bulk kag cargo vessels ang nag-angkla malapit sa mayor nga mga pantalan sang Bandar Imam Khomeini kag Bandar Abbas.
