Liwat nga ginbalikan sang prosekusyon sa impeachment trial ang mga bank transaction sang 2010 nga gina-angot kanday former President Rodrigo Duterte kag Vice President Sara Duterte.
Sa ika-35 nga adlaw sang trial, ginpamangkot ni Senator-judge Ping Lacson ang prosekusyon kun sa diin padulong ang presentasyon sang mga daan nga bank transaction, ilabi na ang ginakwestyon sang depensa nga koneksyon sang mga record gikan sa mga nasambit nga petsa sa karun nga impeachment case.
Sa pagpamangkot ni Lacson kay Private Prosecutor Atty James Bryan Ibrahim Alih, ginhibalo nila kun tinutuyo sang prosekusyon nga maglatag sang isa ka pattern nga gamiton agud pamatud-an ang gina-alegar concealment.
Ginkumpirmam naman ni Alih nga kabahin sang ila tinutuyo ang pagtukod sang kaangay nga pattern.
Ginklaro sang prosecutor nga kinahanglan nila nga maplastar sang maayo ang mga dokumento agud mapakita ang ginapahayag nga pattern, gani nangin malawig ang ila nga nangin presentasyon.
