Gin-deny sang International Criminal Court (ICC) Trial Chamber III ang request ni former President Rodrigo Duterte nga maglakip sang expert verification para sa open-source ukon user-generated nga mga ebidensya nga igasumiter sa chamber.
Santo sa depensa, madamo na sang ebidensya nga ginsumiter ukon ginpresenta sang prosecution, gani luyag nila nga ma-verify ang mga open-source evidence.
Apang ginpahayag sang Chamber nga nag-isyu na sila sang pila ka mga order ukon kasuguan sa ginpatigayon nga third status conference nahanungod sa isyu sa volume of evidence.
Samtang, gin-grant naman sang chamber ang request sang prosecution para sa paghimo sang URL metadata field agud mas madasig nga ma-identify ang URL nga naka-angot sa open source evidence.
Ginbatikos sang depensa ang prosekusyon kag gintawag nga “terrible mess” ang bulto-bulto nga ebidensya nga gin-disclose.
Naghingyo man ang defense team nga limitahan ang number of evidence nga halos nagsaka sa 1,000 percent ang kadamuon.
Si Duterte ang nagapangatubang sang crimes against humanity may kaangtanan sa war on drugs sang iya nga tion bilang Presidente kag alkalde sang Davao City.
