Natumod na sang Bacolod Traffic Authority Office (BTAO) ang mga dalan sa ciudad sang Bacolod nga may problema sa dalagan sang trapiko.
Sa interview sang Bombo Radyo Bacolod kay Jojo Robello, Deputy Head sang Bacolod Traffic Authority Office (BTAO), ang mga may problema nga intersections ang gin-note na sini matapos nagpatigayon sang simulation exercise.
Suno kay Robello, bangud natumod na sini ang may problema magadeploy ini sang mga traffic enforcers agud nga mag-manager sang trapiko.
Dugang pa sini gindugangan ang mga dalanon nga ginsirado bangud sa mga aktibidad para sa Masskara Festival 2024 kag ini ang ginalakipan sang Gonzaga-Gatuslao-Rizal kag San Juan kag ang gindugang ang duha pa ka dalan nga yara sa palibot sang Bacolod City Public Plaza.
Ang dalan Lacson naman ang pagasiraduhan sa October 25, 26 kag 27 samtang ang mga dalan naman sa palibot sang Plaza kag Bacolod Government Center ang nagsirado na kahapon.
Samtang nagpanugyan si Robello sa mga motorista nga mangin mapasensyahon kag likawan ang mga festival sites kun may yara sang malikawan.
Ang mga festival sites ang ginalakipan sang Bacolod City Public Plaza, Bacolod City Government Center kag Lacson St.
