May programa nga ginpatigayon ang faculty kag mga estudyante sa Bacolod City National High School may kaangtanan sa World Teacher’s Day bwas Oktubre 5, nga natuon sa Sabado.
Sa interview sang Bombo Radyo Bacolod kay Richard Gelangre, principal sa Bacolod City National High School, nagbuligay ang Faculty Union kag Sumpreme Student Government (SSG) sa paghimo sang tribute program para sa mga manunudlo.
Pinaagi sa programa, mabatyagan man sang mga manunudlo nga may nakadumdom kag may nagapalangga sa ila.
Samtang bwas, may patigayunon man nga programa para sa mga manunudlo sa SMX Convention Center sa SM City Bacolod.
Ini ang umpisahan alas-7:00 sa aga tubtob alas-7:00 sa gab-i.
Sa pihak sini, paathag ni Gelangre, nga presidente man sa Bacolod City Public School Teacher’s Federation, nga padayun man ang madugay na nga panawagan sa gobyerno nga salary increase para sa mga manunudlo.
Suno diri ang Alliance of Concern Teachers (ACT) partylist ang naglobby sang hagna tuhoy diri, kag ginapanawagan nila nga ini ang mapasar na sa committee level.
Lauman nga bwas man ipagwa sang ACT partylist ang ila mga masunod nga plano.b
