Nangin madinalag-on ang ginpatigayon nga kick-off sang Brigada Eskwela para sa School Year 2026-2027 nga ginpatigayon sa Bacolod City National High School kahapon, Hunyo 1.
Sa interview sang Bombo Radyo Bacolod kay Richard Gelangre, School Principal sang Bacolod City National High School, ginkalipay sini nga sa nasambit nga eskwelahan ginpatigayon ang opening sang Brigada Eskwela.
Suno kay Gelangre, nangin madinalag-on ang aktibidad sa pagbukas sang Brigada Eskwela kag ini sa pagpanguna ni Schools Division Superitendent sang Bacolod City Dr. Dennis Develos.
Suno sa school principal nga naplastar na sini nga unahon sa pagkay-o ang mga classrooms kag kun may nagatulo baklan sang sin kag islan agud nga indi na magtinulo sa pagbukas sang klase kun mag-inulan.
Sa karun nagapadayon naman ang enrollment sang mga estudyante para sa School Year 2026-2027.
