Tuman ang kakibot sang mga pulis sang mahibaloan nga tatlo ka bata nga naga-edad sang 8, 11 kag 12 ang sakay sa ginalaot nila nga salakyan nga gin-carnap sa Ohio, USA.
Ang mga bata nakahibalo magkawat sang salakyan bangod sa paglantaw sang online videos.
Pila ka metro nga ginlaot sang Newburgh Heights Police ang isa ka salakyan nga nagaduag sang puti matapos sila gin-alerto sang Flock Safety license plate reader.
Gintestingan sang mga pulis nga balabagan ang salakyan apang madasig ang dalagan sini tubtob nga nakabunggo sa kilid sang isa ka balay kag naggwa ang mga sakay sini.
Ginkakibot sang mga pulis nga makit-an ang tatlo ka bata nga naga-ayo nga indi sila pagsakiton kun sa diin ang isa nag-ayo pa nga tawagan ang iya iloy.
Santo sa imbestigasyon, ginsugid sang mga bata nga natun-an nila mangawat sang salakyan sa paglantaw sa online videos.
Ginrelease ang mga kabataan kag ginhatag ini sa ila mga ginikanan apang ginkasohan ang mga bata nga naga-edad sang 11 kag 12 sa juvenile court.
