Mga kapulisan sa ciudad sang Sipalay, padayon ang imbestigasyon sa pagpatay sa Senior Agrarian Reform Technologist

Padayon sa gihapon ang imbestigasyon sang Sipalay City Police Station sa kaso sa pagpatay sa Senior Agrarian Reform Technologist sang Department of Agrarian Reform (DAR)-Negros Occidental.

Sa interview sang Bombo Radyo Bacolod kay Police Captain Wilma Silva, Public Information Officer sang Negros Occidental Police Provincial Office, nagpatigayon na sang case conference ang Sipalay City Police Station para sa imbestigasyon sang kaso.

Suno kay Silva, ginalantaw naman nga mahimo magtukod sang Local Special Investigation Task Group ang mga kapulisan sang Sipalay agud nga magtutok sa imbestigasyon sang kaso.

Nagpanugyan man ini sa mga suspek nga magsungka na agud nga masolbar na ang kaso.