Ginpahanumdom sang ciudad sang Talisay ang mga kapulisan sa hugot nga pag-monitor kag pag-inspect sa lugar agud masiguro nga wala sang naga-operate sang illegal online sabong (e-sabong) sa lugar.
Ini kasunod sa nadiskubrehan nga studio nga naga-operate ang ilegal sabong sa Sition Catanan 2, Barangay Concepcion sa nasambit nga ciudad kun sa diin naaresto ang 30 ka mga indibidwal sang Abril 23.
Sa interview sang Bombo Radyo kay Atty Jonathan Ealdama, Talisay City Administrator, ang barangay Concepcion ang madamo sang private proverty kag cock bbreading farms.
Bangud sini, ginpaathag ni Ealdama nga wala ila galaum nga may e-sabong studio sa lugar.
Suno diri, ang gin-raid nga studio ang suludlon kag malapit sa suba rason nga wala sang madamo nga nagalabay kag makakita gani indi dayon mahibaluan ang ginahimo sa sulod.
Samtang, pahayag sini nga base sa taxes record, ang duta ang nakapangalan sa Ledesma apan wala pa na istorya sang imbestigador sa posible nga land owner.
Pahayag ni Ealdama nga padayon pa ang imbestigasyon kaga nagapawanagan sa publiko nga magreport gilayon sa kapulisan kun maya kaangay nga mga aktibidad.
