Lauman ang bigtime rollback sa presyo sang produktong petrolyo sa masunod nga semana.
Suno sa Department of Energy (DOE), maganubo sang P2.30 tubtob sa P2.50 ang presyo sang gasolina, P1.90 tubtob sa P2.10 sa kada litro sang diesel kag P2.35 tubtob sa P2.40 sa kada litro sang kerosene.
Ini ang santo sa apat ka adlaw nga international oil trading, suno kay DOE-Oil Industry Management Bureau Director Rodela Romero.
Suno kay Romero, ang resulta sang trading kahapon nga adlaw sang Biyernes ang magadeterminar sang final adjustments nga igapatuman sang mga fuel companies.
Suno diri, ang mga factors kun ngaa maganubo ang presyo sang produktong petrolyo amo ang recession, geopolitical tensions, nagnubo nga konsumor sang China kag nagalala nga outlook para sa global economy.
Gina-anusyar ang actual nga price adjustment kada Lunes kag ginapatuman kada Martes.
