Ginpanginwala sang mga kongresista ang claim ni Vice President Sara Duterte nga may yara sang isa ka fresh impeachment plot batok sa bise-presidente sa House of Representatives.
Suno kay Lanao del Sur First District Rep. Zia Alonto Adiong, nga amu man ang budget sponsor sang OVP sa Kamara, indi ini matuod.
Suno naman kay 1RIDER party-list Rep. Ramon Rodrigo Gutierrez, nakabati na ini sang mga pag-istoryahanay natuhoy sa impeachment apang nagikan ini kay Duterte kag indi sa Kongreso.
Ginrefute man ni House Deputy Minority Leader kag ACT Teachers party-list Rep. France Castro ang claim ni Duterte nga ang Makabayan bloc ang nagpatigayon sang mga meetings kaupod si House Speaker Martin Romualdez natuhoy sa isa ka impeachment move batok sa bise-presidente.
