Apisar nga malayo pa ang pagfile sang certificate of candidacy para sa 2025 elections, may yara na sang nag-anunsyar sang ila mga tandem diri sa probinsya sang Negros Occidental.
Sa ciudad sang Silay, magapadalagan balik si anay Silay Mayor Mark Golez bilang alkalde kag ang bise alkalde sini amo si Coucilor Ryan Gamboa samtang ang incumbent nga alkalde naman sang ciudad nga si Mayor Joedith Gallego ang magatandem gihapon kay Silay City Vice Mayor Tom Ledesma.
Sa interview kay Mayor Joedith Gallego, kinamatarong man sang anay alkalde kag katandem sini ang magpapili sa ciudad sang Silay.
Suno kay Gallego, upod sila sa gihapon ni Vice Mayor Tom Ledesma.
Suno diri, kulang pa ang ila line-up sang walo ka magapapili nga konsehal sa ciudad sang Silay.
Suno naman kay Gallego, nakasulod ini sa Federal ng Pilipinas nga partido.
Samtang, suno naman kay Vice Mayor Tom Ledesma, para sa kaayuhan sang ciudad sang Silay mas maayo nga may pilian ang mga pumuluyo.
Suno kay Ledesma, ang pumuluyo na ang magadesisyon kun sin-o ang ila pagapilion agud nga magpungko bilang opisyales sang ciudad sa maabot nga 2025 elections.
Ginpahayag man sini nga nakadepende na sa isa ka kandidato ang ibutang sini nga partido sa pagfile sini sang certificate of candidacy.
May yara naman sang bet para sa bise alkalde ang Team Asenso kag kinahanglan sini nga magpadalagan para sa iya nga last term.
Samtang sa iya naman nga partido ni Ledesma ang iga-anunsyar pa bangud wala pa ini nakadesisyon kun sa diin siya magaupod kag ka temprano pa para diri.
