Ginpatpat sang isa ka doktor ang mahimo rasun sa pagdugo sang ngipon ni President Ferdinand “Bongbong” Marcos Jr.
Madumduman nga nagpagwa na sang statement ang Malacañang nga nagapasalig nga maayo ang health condition sang Presidente, apisar sa nakita nga gum bleeding samtang siya ang nagahatag sang speech angot sa Araw ng Kagitingan
Sa interview sang Bombo Radyo Bacolod kay Dr. Vicente “Itik” Iturriaga, mahimo nga antes paman ang speech nakagat sang Presidente ang iya dila ukon bibig.
Apang bangod siya ang nagahambal, wala na sini natalupangdan nga padayun ang pagdugo.
Samtang sarang man nga makatuga sang bleeding sa ngipon ukon ilong ang blood thinner nga bulong bangod ini ang nagapanubo sang clotting factor.
Ang may manubo nga blood platelet kaangay sang may anemia ang mahimo man makitaan sang sintomas sang bleeding ukon mahimo man sa balatian nga leukemia.
Kasubong man ang ano man nga sahi sang blood dyscrasia kasubong man ang dengue fever.
Apang nagapati si Ortiz nga malayo nga malala nga kondisyon ang rasun sang gum bleeding sang presidente.
Ini bangod madamo sang mga maalam nga doktor sa palibot sang presidente.
Suno kay Iturriaga malapit man kay Presidente Marcos kag First Lady Liza Araneta Marcos, ang iya tiyo nga Ilonggo Surgeon nga si Dr. Avenilo Aventura, ang director sang Philippine Heart Center, nga amo ang labing una nga doktor nga nagperform sang successful open heart surgery sa Pilipinas.
Paathag ni Iturriaga nga indi lahog-lahog ang blood dyscrasia kag kun may amo nga ginabatyag si President Bongbong Marcos, siya ang indi pahanugutan sang doktor nga maghatag sang speech.
Apang sa pihak nga bahin, aminado si Iturriaga nga kun maghambal si Marcos sa doktor nga indi ibuyagyag kun siya ang may balatian, ini ang indi man pwede nga ipagwa sang doktor bangod may-ara sang patient right to privacy.
