Padayon ang pagpangagda sang organizer sang Zumdigras competition nga magpasakop na sa karun nga limitado lamang ang ila slot.
Sa interview sang Bombo Radyo kay Joann Visitacion, ang Zumdigras competition kag Zumdigras queen contest patigayonon sa Oktubre 5 sa Bacolod City Government Center.
Didto magapa-indis indis ang tanan nga may hilig sa pagsaot sang zumba.
Suno diri, ini na ang ika-apat nga tuig nga ginpatigayon ang Zumdigras kag mahimo magpasakop diri ang naga-edad sang 15 tubtob 75 anyos apang sa karun mga babayi lamang na participant ang ila batonon bilang selebrasyon man sang Women’s day.
Dalagko man ang prizes nga ipanagtag, para sa group competition may premyo nga P50,000; P30,000 kag P20,000 kag ma yara pa sang mga special prizes.
Apang dalagko man ang batonon nga premyo sang mga magadaog bilang Zumdigras queen.
15 lamang ka grupo ang ila i-akumudar kag pila na lamang ka slot ang nabilin amo nga nagapangagda ini sa tanan nga luyag magpasakop nga maghingagaw na antes ang deadline sa Setyembre 20.
