Nagakahangawa ang mga mamalidha nagikan sa Makabayan bloc sa Kongreso natuhoy sa assessment sang Programme for International student Assessment (PISA) nga nagapakita nga ikaduha sa pinaka-ulihi ang mga Filipino nga estudyante sa creative thinking kun ikumparar sa mga estudyante sa iban nga pungsod.
Ini ang gin-angot ni ACT Teachers Party List Representative France Castro sa ginaalegar incompetent nga pagpamuno sa Departent of Education kag nagpanawagan sang pagkay-o sang K-12 curriculum agud ma-address ang gaps sa creative thinking.
Suno diri, tuman ka importante ang creative thinking bangud ginadevelop ang analytical skills, ang abilidad sang mga kabataan agud makapanumdum kag makacome-up sang isa ka pinasahe kag orihinal nga solusyon.
Gani kun indi ini madevelop sa curriculum ukon sa pag-eskwela sang mga kabataan, makabig ini nga makahalangawa.
Dugang pa sini, ini ang posible man nga bunga sang sahi sang edukasyon nga ginpamunuan sang incompetent nga tiglikom sadto.
Para naman kay Kabataan Party List Representative Raoul Manuel, ang PISA assessment ang dapat mangin isa ka wake-up call agud gilayon nga ma-address ang krisis sa edukasyon.
