Makabaton sang cash incentives ang mga atleta sang ciudad sang Bacolod nga kabahin sang delegasyon sang Western Visayas nga nakakuha sang medalya sa bag-o gid lang natapos nga Palarong Pambansa 2024.
Suno kay Bacolod Councilor Jason Villarosa, author sang Pasidungog para sa mga estudyante kag humalampang, ginatipon pa ang total list kag pangalan kasubong man ang mga sports nga gindaugan sang mga atleta.
Sa nahibaluan nakasaad sa ordinansa nga ang naka kuha ukon naka daog sang gold medal ang makakuha sang P10,000, Silver ang makabaton sang P8000.00 kag Bronze medal ang makakuha sang P5,000.00.
Madumduman nga ang Western Visayas ang nakakuha sang 56 ka gold; 41 ka silver kag 41 ka bronze santo sa final and official medal tally sang Palarong Pambansa 2024 nga ginpatigayon sa Cebu City sang tinalikdan nga semana.
Dugang pa ni Villarosa nga proud ang Sangguniang Panlungsod sa performance sang Western Visayas.
Ang mga atleta nga nagikan sa ciudad sang Bacolod ang kinahanglan nga makapasar man gintalana nga rekisitos sang ordinansa.
Sa karon ang paghatag sang incentives ang ihatag paagi sa “pasidungog para sa mga dalayawon nga mga estudyante kag humalampang” sa bulan sang Disyembre.
