Gin-athag sang Philippine Coast Guard nga mahimo sa gihapon magbalik sa probinsya sang Negros Occidental ang mga residente nga nagikan sa Iloilo vice versa tubtub subong nga adlaw apang sundon lamang ang guidelines nga ginapatuman sang Department of Health.
Sa interview sang Bombo Radyo Bacolod kay Col. Jansen Benjamin, commander sang Coast Guard Station Negros Occidental, ginpahayag sini nga santo sa Executive Order nga gin-isyu sang gobernador, ginatugutan man nga magbalik ang mga residente apang kinahanglan lang sundon ang panugyan sang DOH.
Apang ginahatagan lamang sila tubtob subong nga adlaw agud makapauli ang taga-Negros Occidental bangud bwas, Marso 17, magtake effect na ang Executive Order nga gin-isyu sang alkalde sa ciudad sang Iloilo kun sa diin indi na makadungka ang mga barko nagikan sa iban nga probinsya.
Samtang, ginpahayag man sini nga kadungan sang pagdumili sang land, air kag sea travel, ang tanan nga mga biyahe sang sakayan pandagat ang kanselado apang gin-athag man sini nga makasulod sa gihapon sa probinsya ang pagdeliver sang mga goods.
Ginasunod man sang Coast Guard ang pagsulundan sang DOH sa pagtsekyar sang mga pahinante sang mga barko nga nagadeliver sang goods.
