Padayon ang pagselebrar sang Christmas sa Israel apisar sa nagapadayon nga pagpangbomba sang Hamas.
Sa interview sang Bombo Radyo kay Alona Yunting, Bombo International News Correpsondent derekta sa Israel, matugnaw na sa karun ang panahon samtang padayon ang giyera sa norte nga bahin sang pungsod samtang sa sur naman naghagan-hagan na ang sitwasyon.
Suno diri, iban sa mga Arab-Christians wala plano nga magselebrar sang Christmas bangod may yara sa ila mga pamilya ang hostage sa gihapon.
Apang ang Filipino community naman ang nagatipon-tipon kag nagacelebrate sang Christmas.
Suno kay Yunting, nagabayad sila sa hotel para magplastar sang event kag maghanda sang ila pagkaon nga kalabanan mga Filipino foods.
Pahayag sini sa karun madutay na lamang sila nga mga Filipino didto bangod kalabanan ang nagpauli tuga sang kahadlok sa giyera.
Samtang, nagpasalig man ini nga safe siya bangod wala man nagapabaya ang Israeili government kag kalabanan sa mga tawo ang mabuot didto.
