Gin-engganyo sang National Historical Commission of the Philippines (NHCP) ang publiko nga makigbahin sa nagkalain-lain nga mga aktibidad nga ginpreparar sang gobyerno bilang pag-obserbar sang ika-126 nga Independence Day sang pungsod.
Suno kay NHCP History Researcher II Alton Concillado, ang tema humalin sang tinalikdan nga tuig amu ang Kalayaan, Kinabukasan, Kasaysayan’.
Subong nga adlaw, Hunyo 12 ang highlight, kun sa diin isa ka commemorative flag raising ang patigayunon.
Sa hapon, isa ka parada nga ginalakipan sang 22 ka mga floats sa bilog nga pungsod ang magafeature ang Emilio Aguinaldo nga gintukod sang gobyerno kasubong man sang mga banwa nga kabahin sang revolution.
Suno diri, gina-imbitar ni President Ferdinand Marcos Jr. ang publiko nga malantaw sang parada nga magasugod alas 5:00 sang hapon sa Hunyo 12 humalin sa CCP grounds padulong sa Roxas Boulevard padulong sa Burnham Green sa palibot sang Quirino Grandstand.
May patigayunon man nga isa ka konsyerto pagkatapos sang parada.
May patigayunon man nga simultaneous flag raising activities sa Cavite; Malolos; San Juan City; Caloocan; Angeles City kag NHCP museums sa bilog nga pungsod.
Antes ang ika-126 nga Independence Day sang Pilipinas, ginpatpat ni President Ferdinand Marcos Jr. ang importansya sang pagpadayon sang pagpakigbato para sa kahilwayan ilabi na sa pagprotekta sang teritoryo kag soberanya sang Pilipinas.
Wala sang may ginlawag nga maskin ano nga pungsod si Marcos apang naghatag ini sang statement sa iya vlog kun sa diin may mga snipets sang iya keynote speech sa International Institute for Strategic Studies’ Shangri La Dialogue kun sa diin gincriticize sini ang illegal incursions sang China sa exclusive economic zone sang Pilipinas.
Suno sa Presidente, sa nagligad nga 126 ka tuig kag tubtob sa karun, padayon ang pagpakigbato sa atun kahilwalyan sa nagkalain-lain nga aspeto sang pagka-Filipino kag kahilwayan sa teritoryo kag soberanya.
