Kabug-usan nga 3,628,500 ka mga indibidwal sa masobra 3,000 ka mga barangay ang naapektuhan sang epekto sang Habagat nga ginpa-enhance sang Tropical Cyclones Carina kag Butchoy, suno sa National Disaster Risk Reduction and Management Council.
Sa latest situation report sang NDRRMC, kalabanan sa mga residente nga naapektuhan ang nagikan sa Central Luzon kag ginsundan sang Bangsamaro, Soccsksargen kag Ilocos Region.
168,933 ka mga indibidwal kag 42,673 ka pamilya ang nagapabilin sa 1,025 ka mga evacuation centers samtang 900,421 ka mga persona ukon 217,389 ka pamilya ang nagapangita sang temporaryo nga matiniran sagwa sang evacuation centers.
Sa data sang NDRRMC, 28 ka mga persona ang nagkalamatay kun sa diin napulo ang validated samtang 18 ang subject pa for validation.
Apang suno sa data sang Philippine National Police, nagdangat na sa 34 ang numero sang fatalities.
Nakarekord naman ang Department of Agriculture sang P212,002,653 nga balor sang halit nga nag-apekto sa 12,456 ka mga mangunguma kag manugpangisda.
105 ka mga ciudad kag munisipalidad sa bilog nga pungsod ang nagdeklarar sang state of calamity.
