Indi satisfied ang mga retired teachers sa Bago City sa nangin sabat sang Bago City Teacher’s Federation angot sa wala mabayaran nga retirement benefits.
Madumduman nga una nga nagdangop ang mga retired teachers sang Marso 18 bangod wala nakabatun sang retirement benefits ang mga nagretiro humalin 2020 tubtob 2023.
Kasunod sini, ginpadulungan naman sang Bombo News Team si Jeffmark Lavilles, ang Presidente sa Bago City Teacher’s Federation, apang ini ang wala nagsugod nga ma-interview sa panindugan nga magahingyo pa sang advise gikan sa supervisor sang DepEd division of Bago City kag mga kaupdanan sini sa federation.
Apang imbes magpa-interview, nagpadala lamang sang written explanation si Lavilles, nga wala naman ginakompormihan sang mga retired Teachers.
Kahapon liwat nga nagdangop sa estasyon sanday Ligaya Jimena, nga nagretiro sang 2020; Elsa Valerio, nga nagretiro sang 2021 kag Carme Orense, nga nagretiro sang Enero subong nga tuig.
Panindugan sang mga ini nga lainlain ang eksplinasyon nga ginabuy-an ni Lavilles kun may nagapamangkot sa iya.
Pahayag sang mga ini nga madamo sang mga wala nasabat nga pamangkot ang Presidente, nga masabat kuntani sini kun siya ang magapa-interview.
Panindugan sang mga ini nga luyag lamang nila makita ang record sang financial statement nga ginturn-over kay Lavilles.
Ini bangod ginapanindugan sini nga wala na sang pondo ang Federation sang siya ang nag-assume.
Luyag man nila nga makita ang listahan sang mga nahatagan na sang retirement benefits, agud mabalanse sa ginabayad sang mga nagaserbisyo nga manunudlo kada tuig.
Isa sa rasun nga ginpahayag ni Lavilles kun ngaa wala mabayaran ang mga nagretiro sang 2020 tubtob 2024 ang bangod wala koleksyon sang pandemic, apang ang mga nagaserbisyo nga manunudlo ang nagapahayag naman nga sila ang may ginbayaran bisan sang pandemic.
Panawagan sang mga retired teachers nga mahatag ang nagakaigo nga benepisyo bangod sila ang wala man failure sa pagbayad sang kontribusyon sang sila ang nagatudlo pa.
