Ginpahayag ni President Ferdinand Marcos Jr. nga wala sila sang may ginabalewala nga suhestyon kag tanan nga opsyon ang ginakonsiderar sa pagsabat sang epekto sang krisis bangod sa gyera sa Middle East.
Ini ang sabat sang presidente sang ginpamangkot ini natuhoy sa panawagan sa pagbasura sang Oil Deregulation Law sa tunga sang nagamahal nga presyo sang produktong petrolyo.
Suno kay Marcos, padayon nga ginatun-an sang gobyerno ang tanan nga posible nga tikang, lakip na ang pagbasura sa Oil Deregulation Law kag pagkakas sang Value added Tax (VAT) sa fuel imports, agud mabuhinan ang epekto sang krisis sa langis.
Suno diri, kinahanglan pa sang malawig nga diskusyon antes ang pag-amyenda ukon pag-repeal sang Oil Deregulation Law gani indi ini gilayon mapatuman.
