Hugot nga nagapanindugan ang Amerika nga wala sang sin-o man nga makapanginbabaw sa layi ilabi na sa karun nga guilty sa tatlo ka felony charges si Hunter Biden, ang bata ni US President Joe Biden.
Suno kay Bombo International News Correspondent Romy Niere derekta sa North Carolina, USA, ini ang labing una nga kahigayunan sa maragtas sang Estados Unidos nga na-convict ang bata sang presidente sa paggamit sang illegal nga druga kag paghupot sang armas luthang.
Bangod sini suno kay Niere, dako ang mangin epekto sini kay President Joe Biden para sa election sa Nobyembre.
Samtang, si Former US President Donald Trump naman ang sa karun nagasaka pa gid ang numero sang iya mga supporters kag madamo sang nagapati nga nagadako na gid ang tsansa ni Trump nga magdaog sa ginapaabot nga presidential election.
