Ginalantaw nga angot sa negosyo ang motibo sa pagpatay sa negosyante nga si Ivan Magbanua sang Disyembre 8 sa Magsaysay Sreet, Barangay Singcang, siyudad sang Bacolod.
Sa interview sang Bombo Radyo kay Police Major Joery Puerto, station commander sang Bacolod Police Station 8, sa kuha sang CCTV camera, indi lamang isa ka motorsiklo ang nagbantay nga magtiro sa biktima kundi may yara pa gid sang salakyan nga nagasunod.
Nagikan sa salakyan sang mga suspetsado ang gunman nga nagtiro mismo sa negosyante.
![](https://img.bomboradyo.com/bacolod/2022/06/POLICE-REPORT.jpg)
Nanaog ini sa salakayn sang naglabay ang Mitsubishi Mirage nga ginamaneho ni Magbanua kag nagsaylo sa motorsiklo nga ginamaneho sang isa ka suspetsado.
Wala sang suksok nga bonnet ukon facemask ang gunman apang nagasuksok ini sang kalo.
Suno kay Puerto, kapin isa ka oras nga naglabay-labay ang mga suspetsado sa pagbantay sa biktima.
Sa karun, ginatrabaho pa nga mapa-enhance ang kalidad sang CCTV footage, para makakuha sang klaro nga itsura sang mga suspetsado.