Nagtipon na lang sa ibabaw sang Magsungay flyover ang mga tawo nga wala na makalabay sa Araneta St, Bacolod City bangod sa madasig nga pagsaka sang baha sa dalan.
Natabonan na sang baha ang dalan kag nagtipon ang mga residente kag mga motorista sa ibabaw sang flyover.
Halos indi na makit-an ang dalan kag indi na makapenetarte ang mga salakyan kag mga motorsiklo sa area.
Ginbaha man ang opisina sang Sugar Regulatory Office kag Gaisano City.
Samtang may backhoe nga naghingagaw saylo sang mga equipment para sa drainage agud indi maanod.
Suno kay Bebernel Agbon, residente sa Brgy Singcang, alas- 7:00 kaina sang aga sang nag-umpisa nga magsaka ang baha apang pila lang ka minutos ang naglabay kag tuman na ang pagtaas sang tubig.
Suno diri, ginpasaka nila sa flyover ang ila motorsiklo apang ang ila mga gamit ginbilin lang nila sa ila balay.
Suno pa kay Agbon, subong pa lamang siya naka-eksperyensya nga mataas gid ang baha sa madugay sini nga pag-istar sa lugar.
