Ginbalik sang mga tenants sang Manokan Country ang mga placards nga may sulat nga nagapamatok sa demolition.
Sa interview sang Bombo Radyo Bacolod kay Tess Mondres, Tenant sang Manokan Country, ginbalik nila ang mga ginpangtapik nga placards bangud wala pa sang klaro kag wala pa sila nakaptan nga mga papeles para sa ila nga pagsaylo sa terminal hub sa SM Bacolod.
Wala man sila nagahulag bangud wala pa sila sang konkreto nga dokyumento nga ginakaptan kun ano gid plano para sa ila.
Una naman nga ginpahayag ni Bacolod City Legal Officer Atty. Romeo Carlos Ting Jr., nga magabiya na ang mga tenants sang Manokan Country sa Hulyo 20 kag magsaylo sa temporaryo nga terminal hub sa isa mall sa tabok sini matapos ginpalawig sang ciudad ang pagpasira sini para sa renovation.
Ang mga tenants ang ginhatagan sang duha ka semana agud nga maplastar ang linya sang kuryente kag tubig.
Natalana nga magapagwa sang rekomendasyon ang Negros Occidental Office of the Provincial Agriculturists matapos nga gintipon nila ang technical report nagikan sa mga agencies kag experts.
Sa interview sang Bombo Radyo Bacolod kay Dina Gensola, Provincial Agriculturists sang Negros Occidental, ginaconsolidate pa nila ang technical reports nagikan sa mga experts kag agencies kasubong man ila nga recommendations.
Suno kay Gensola sa consolidated technical reports mahibaluan kun ang mga intervention nga ginahimo sa infestation sang fall army worm.
Suno diri, collaboration ang pagtapna sang pagdagasa sang fall army worm.
Ginpahayag man sini nga may yara sang mechanical kag biological nga pamaagi sila nga ginahimo para matapna ang pagdagsa sang insekto apang kun indi madala, ginagamitan na sang insecticides.
