Magapasa sang letter of intent ang mga tenants sa Manokan Country para makasaylo sa temporaryo nga pwesto nga ihatag sa ila.
Kahapon nagpadulong sa Manokan Country si Councilor Celia Flor, chairperson sang Committee on Markets sa Sangguniang Panlungsod kag nakighinon-anon sa mga tenants.
Suno kay Flor, nagpabutyag sang intensyon ang mga tenants nga magsaylo gani ginpanugyanan niya ang mga ini nga magsulat sang letter of intent para ipasa kay Bacolod City Mayor Alfredo ‘Albee’ Benitez.
Nagpasalig man ini nga kun sila ang magasaylo, magabulig ang ciudad sa pagproseso sang tubig kag kuryente sa temporaryo nga saylohan sang mga tenants.
Kun yara na ang letter of intent sang mga tenants, ini ang idul-ong sang konsehal sa alkalde.
Dugang pa sini, posible nga mahatagan sang priority sa pagsaylo amo ang mga tenants nga may updated nga bayad sa renta, bangod nga natukiban sa City Treasurer’s Office nga may yara sang kapin sa napulo ka mga tenants nga may delayed nga payment.
