Magabiya na ang mga tenants sang Manokan Country sa Hulyo 20 kag magasaylo sa temporaryo nga terminal hub sa isa mall sa tabok sini matapos ginpalawig sang ciudad ang pagpasira sini para sa renovation.
Sa interview sang Bombo Radyo Bacolod kay Bacolod City Legal Officer Atty. Romeo Carlos Ting Jr., ginkumpirmar sini nga nagpasa ang mga tenants sang Manokan Country sang compromise letter kag nakasaad didto nga luyag sang mga tenants nga maghimo pagid sang Memorandum Agreement kag ipaaprubar sa Sangguniang Panlungsod kag ini ang narelay naman sa alkade.
Suno kay Ting, nakasaad na Contract of Lease kun pila gid ang bayran sang mga tenants sa stalls sa tion nga matapos na ang renovation apang ang rate ang indi makademand ang mga tenants bangud governed ini sang Contract of Lease sang City.
Ginpahayag man nga luyag sang mga ini nga ang ciudad ang madumala sa ila apang suno sa City Legal Officer magakontra na ini sa kontrata.
Ini bangud nga ang SM Prime Holdings na ang magmanage kag mamaintain sang tanan nga operasyon sang renovated nga Manok Country.
Suno diri ang mga tenants ang ginhatagan sang duha ka semana agud nga maplastar ang linya sang kuryente kag tubig.
Ipaverify pa sang CLO kun matuod nga nagpirma ang mga tenants sa compromise letter sa kahangawa nga ideny naman sang mga ini nga wala sila nakapirma.
Samtang, nagapadayon naman ang clearing sang ciudad sang mga illegal settlers sa likod nga bahin Manokan Country.
Nahibaluan nga ang ciudad ang may lease agreement sa nasambit nga pribado nga kumpaniya sa sulod sang 40 ka tuig.
