Nagahingyo ang mga vendors sa gwa sang Negros Occidental High School nga sila ang hatagan sang special permit, kag makapadayun sa pagbaligya.
Sa interview sang Bombo Radyo Bacolod kay Rosita Cabatuan, residente sang Brgy Bata, Bacolod, 2008 pa lamang sang umpisa sila nga nagbaligya sa lugar.
Apisar nga wala sang may gin-issue nga permit, sila ang gintugutan nga makabaligya sa kondisyon nga ipabilin ang katinlo sa lugar kag mabantayan ang mga posibilidad sang snatching ukon kinawatay.
Apang sang Hunyo 3, sila ang ginpadal-an sang sulat nga nagahatag na lamang sang 10 ka adlaw nga plaso, nga maga-expire na sa Sabado.
Apang panindugan ni Cabatuan nga magapadayun sila sa pagbaligya sa ano paman nga paagi bangod ini lamang ang ila palangabuhian.
Dugang pa niya nga siya ang nakapagradwar na sang tatlo ka kabataan paagi sa pagbaligya, apang sila ang may naga-eskwela pa nga apo.
Panindugan ni Cabatuan nga mas maayo nalang nga sila ang nagabaligya sangsa nagapangawat.
Pangabay sini nga maluoy kuntani ang Bacolod City Legal Office sa ila, kag naga-ayo man sila kay Bacolod City Mayor Greg Gasataya nga kun mahimo sila ang hatagan na lamang sang food cart kaangay sa Bacolod City Public Plaza.
